فندق اكاسيا في راس الخيمه
رحنا لها يومين واستقرينا في هالفندق وبحط لكم عقب صور الاماكن اللي رحناها ان شاءالله اجزاء يعني
ا لفندق راقي وجميل ونظيف والمعامله فيها بكل احترام وترحيب
رحنا بتاريخ 25_ 3
ورجعنا بتاريخ27_3
سعر الفندق ليلتين تقريبا 996 يعني مع الخدامات نقول في اليوم الف نحن يومين الفين درهم بصراحه مبلغ معقول ومناسب بنسبه لباقي الفنادق
عزيزاتي انا ماحط الصور بترتيب قصدي تواريخ يعني كل مره اصور كل يوم اصور واحلى صوره حطيت لكم
مسموح النقل بس محد ينسبها لنفسها وخصوصا خصوصا اللي اسمها تشبه اسمي تنسبها لنفسها
وعندي صور ثانيه ممكن اثبت انها خاصه فيني لاني مانزل كل الصور
فندق اكاسياااااااا من الخارج
تزين بصخور على شكل اسم الفندق بطريقه جميله وجذابه
الاستقبااااااااال
وجمال اللوبي المكان نظيف ومرتب وراقي بصراحه ماعليه كلام
ويحترمون الاشخاص ولابقين بالمحادثه
عجبني هالكرسي الدوار
الكوفي شوووووووووووب
بعض الاثاث في اللوبي
محل لبيع الاكسسوارت والشنط والحلويات لذكرررى
الممر المودي لباحه الفندق والحوووض
الفندق من الدااااخل امام الحوووض
الحوض والجلسات الخارجيه امام الحوض وبنفس الوقت اللي يحب ياكل فطور ا و غداء وعشاء حاطين طاولات
الشوووواياا هني الشيف يطبخ الكباب وغيره ومنظر جميل من ديكور الشوايا كبير وفخم
هذا الدش بعد الاستحمام من الحوض يتسبح هني ماعرفت اعبر هههه سوري
مناااظر جميله من الخضر ا والاشجار ممكن تاخذون افكار منها للي تحب تسوي حديقتها والغرف اللي تشوفونه قسم لتبديل الملابس
مدخل المطعم الخاص بالفندق وفيه البوفيه الصوره هذي الصبح انا وزوجي فطرنا من وقت والاولاد كانو نايمين وبعدين طلبنا الفطور لهم بالغرفه
وطبعا الغداء والعشاء نحن كنا برا بالمولات طول الوقت لان المده يومين وحبينا نستغل الوقت
كررت الصور هني مره ثانيه عسب المدخل وتابع لمشروع النخله
استرااااااااااااحه المطعم
وفي باب خارجي للي يحب يجلس عند الحوض
اوووه نسيت احط لكم فطوري
وهذا فطور بعلولي يقلدني هههه
وهني يوم كنا رايحين الغرف اول مايفتح المصعد هالمنظر الحلو قداامنااا
رقم الغرفه
وهذي مدخل الغرفه طرف اليسار في دولاب او خزانه الملابس والطرف اليمين الحمام اكرمكم الله بس مو باينه
خزانه الملابس ماشي بالغرف وهم عباره عن غرفتين
غرفه رئيسيه مع حمامها
والثانيه بروحها بس حمامها برا في الصاله
الصاله
الغرفه الرئيسيه
الجلسه
سويت حقي نسكافيه عشان اريح هالكورررررر يعني الدماغ المخ ههههه
هذي الغرفه الثانيه بس اصغر
في الخزانه او الكبت مثل مانقول في ثلاجه نسيت اصورهاا بس ماستخدمناها
الحمام اكرمكم الله احلى شي ان كل حمام في استشوار بطريقه حلوة مرتبه
الفوطه اسم الفندق عليها وعلامه الشجره يمكن هذي الشجره اسمها اكاسيا كل الفوط عليها هالرسمه
بس حبيت الفوطه هههه عيبتني والله
وفي الختام لكم اكبر تحيه ومحبه من كل قلبي
بس لاتنسون التقييييييييم عزيزاتي كبسه صغيره بس (كبسه مش اكله ترا هههه) يعني دقو الميزان
تراني امزح معاكم
شكرا لكم